Author: admin
-मुख्यमंत्री देवेंद्र फडणवीस • संत रविदास महाराजांच्या ६५० व्या जयंती वर्षानिमित्त राज्यस्तरीय मुख्य कार्यक्रम नाशिक येथे होणार मुंबई, दि. २७ : संत रविदास महाराजांच्या ६५० व्या जयंती वर्षानिमित्त नोव्हेंबर २०२६ ते फेब्रुवारी २०२७ या कालावधीत राबविण्यात येणारे ‘हर घर संत रविदास विचार–विकसित महाराष्ट्र’ हे विशेष अभियान राज्यात व्यापक स्वरूपात राबवावे, असे निर्देश मुख्यमंत्री देवेंद्र फडणवीस यांनी दिले. संत रविदास महाराजांनी मांडलेले मानवता, समता, करुणा आणि दुःखमुक्त समाजाचे विचार तळागाळातील प्रत्येक घटकापर्यंत पोहोचवावेत. त्यासाठी सर्व संबंधित विभागांनी समन्वयाने प्रभावी अंमलबजावणी यंत्रणा उभारावी, असे निर्देशही मुख्यमंत्री देवेंद्र फडणवीस यांनी दिले. सह्याद्री अतिथीगृह येथे संत रविदास महाराजांच्या ६५० व्या जयंती वर्षानिमित्त आयोजित विशेष…
कोल्हापूर दि २७ : जिल्ह्यातील बालकांचे आरोग्य सुदृढ राखण्यासाठी आणि त्यांना जंत संसर्गापासून मुक्त करण्याच्या उद्देशाने राबविण्यात येणाऱ्या राष्ट्रीय जंतनाशक दिन मोहिमेचा जिल्हास्तरीय शुभारंभ करवीर तालुक्यातील उचगाव येथील कुमार व कन्या विद्यामंदिर येथे जिल्हा परिषदेच्या मुख्य कार्यकारी अधिकारी डॉ.जॅसमीन यांच्या हस्ते करण्यात आला. याप्रसंगी विद्यार्थ्यांना अल्बेंडाझोल जंतनाशक गोळ्या देऊन मोहिमेची सुरुवात करण्यात आली. यावेळी मुख्य कार्य.अधिकारी डॉ. जॅसमीन यांनी राष्ट्रीय जंतनाशक दिन मोहिमेचे महत्त्व विशद केले. बालकांच्या आरोग्याचे संरक्षण, शारीरिक वाढ आणि सर्वांगीण विकासासाठी जंतनाशक उपचार महत्त्वाचे असल्याचे सांगून जिल्ह्यातील एकही पात्र लाभार्थी या मोहिमेपासून वंचित राहणार नाही, याची सर्व संबंधित अधिकारी व कर्मचाऱ्यांनी दक्षता घ्यावी,अशी सूचनाही केली. जिल्ह्यात…
कोल्हापूर, दि. 27 (जिमाका) : कृषी विभागाच्यावतीने ‘महाराष्ट्र महिला सक्षमीकरण अधिनियम’ अंतर्गत,भोगावती महाविद्यालय कुरुकली येथे नुकतेच महिला शेतकरी प्रमाणपत्र नोंदणी विशेष प्रशिक्षण व मार्गदर्शन शिबीराचे कृषी विभाग व भोगावती महाविद्यालयाच्यावतीने आयोजन करण्यात आले होते . या कार्यक्रमात करवीर उपविभागीय कृषी अधिकारी अरुण भिंगारदिवे यांनी,महिला शेतकरी प्रमाणपत्र नोंदणीचे महत्त्व तसेच त्याद्वारे मिळणारे शासकीय लाभ आणि नोंदणीची प्रक्रिया याबाबत माहिती देवून महिला आर्थिकदृष्ट्या सक्षम झाल्यास कुटुंब आणि समाज अधिक सशक्त होऊ शकतो असे सांगितले तर महाविद्यालयाचे प्राचार्य डॉ.नेताजी पाटील यांनी महिला सक्षमीकरणासाठी कृषी विभागाच्या योजनांची प्रभावी अंमलबजावणी महत्त्वाची असून, अशा उपक्रमांमुळे विद्यार्थिनी व महिलांमध्ये शेतीविषयक तसेच कायदेशीर बाबींबाबत जागरूकता निर्माण होण्यास मदत…
दुष्काळ म्हणजे केवळ पाऊस कमी पडणे नव्हे. पाण्याची टंचाई, शेतीच्या उत्पन्नात घट, जनावरांच्या चाऱ्याचा प्रश्न, पशु पक्षांचा जगण्याचा प्रश्न, वाढता घरखर्च आणि रोजगाराच्या संधींवर होणारा परिणाम,असे त्याचे अनेक पैलू आहेत. मराठवाडा, विदर्भ आणि लगतच्या काही भागातील जनतेला दुष्काळाचे चटके वारंवार सहन करावे लागतात. अशा वेळी शासनाच्या मदतकार्याबरोबरच नागरिकांनीही उपलब्ध साधनसंपत्तीचा जपून वापर करणे आवश्यक आहे. जुन्या पिढीने अनुभवातून सांगितलेले एक वाक्य आजही महत्त्वाचे आहे, ‘दुष्काळ सगळ्यांना काटकसर शिकवतो!’ मात्र, ही काटकसर नेमकी कशी करावी, हे समजून घेणे अधिक महत्त्वाचे आहे. पाण्याचा अपव्यय टाळा, काटेकोर नियोजन करा. दुष्काळात प्रत्येक थेंब महत्त्वाचा असतो. पाण्याचे दुर्भिक्ष होऊ शकते हे आपल्या प्रत्येकाच्या लक्षात असले…
कोल्हापूर दि : 26 (जिमाका): महात्मा जोतिराव फुले महसूल लोक अदालत अभियान २०२६ अंतर्गत कोल्हापूर जिल्ह्यातील १५९ प्रलंबित महसुली प्रकरणे सामंजस्याने निकाली काढण्यात आली. या अभियानाचा ९०० नागरिकांना थेट लाभ झाला. जिल्हाधिकारी डॉ. विजय राठोड यांच्या मार्गदर्शनाखाली आणि अपर जिल्हाधिकारी अजय पवार यांच्या प्रयत्नांतून जिल्हाधिकारी कार्यालय, उपविभाग आणि तालुका स्तरावर या लोक अदालतीचे आयोजन करण्यात आले होते. महसूल विभागाकडील प्रलंबित प्रकरणे जलदगतीने आणि परस्पर सामंजस्याने सोडविणे हा या अभियानाचा उद्देश होता. जिल्हाधिकारी डॉ. विजय राठोड यांच्या मार्गदर्शनाखाली आणि अपर जिल्हाधिकारी अजय पवार यांच्या प्रयत्नांतून या लोक अदालतीच्या माध्यमातून ९०० नागरिकांना थेट लाभ मिळाला. लोक अदालतीमुळे पक्षकारांना प्रलंबित प्रकरणांमुळे होणारा मानसिक…
कोल्हापूर, दि.२६ (जिमाका) : कोल्हापूर जिल्ह्यात मागील तीन वर्षांत हेल्मेटचा वापर न केल्यामुळे १६७ नागरिकांचा मृत्यू झाला आहे. ही बाब लक्षात घेता, दुचाकीस्वारांमध्ये हेल्मेट वापराबाबत जनजागृती करण्यासाठी शाळा-महाविद्यालयांनी पुढाकार घ्यावा, असे आवाहन उप प्रादेशिक परिवहन अधिकारी मनोज ओतारी यांनी केले आहे. रस्ता सुरक्षा अभियानांतर्गत प्रादेशिक परिवहन कार्यालयामार्फत विविध उपक्रम राबविण्यात येत आहेत. दुचाकी अपघातात डोक्याला होणारी गंभीर दुखापत आणि जीवितहानी टाळण्यासाठी योग्य दर्जाचे हेल्मेट वापरणे आवश्यक आहे. मोटार वाहन कायद्यानुसार दुचाकीस्वार आणि मागे बसलेल्या व्यक्तीनेही निर्धारित मानकांचे हेल्मेट वापरणे बंधनकारक आहे. शाळा-महाविद्यालयांनी सूचना फलक आणि डिजिटल माध्यमांद्वारे हेल्मेट वापर व वाहतूक नियमांबाबत संदेश प्रसारित करावेत. शिक्षक, शिक्षकेतर कर्मचारी, विद्यार्थी आणि…
कोल्हापूर, दि.२६ (जिमाका) : इतर मागास बहुजन कल्याण विभागांतर्गत केंद्र शासनामार्फत इतर मागासवर्गीय (OBC), आर्थिकदृष्ट्या मागास (EBC) तसेच विमुक्त, भटक्या जमाती (DNT) प्रवर्गातील विद्यार्थ्यांसाठी PM-YASASVI Pre Matric Scholarship आणि PM-YASASVI Post Matric Scholarship या शिष्यवृत्ती योजना राबविण्यात येत आहेत. शैक्षणिक वर्ष २०२६-२७ साठी या योजनेंतर्गत पात्र विद्यार्थ्यांना अर्ज करण्याची अंतिम मुदत ३० नोव्हेंबर आहे. या योजनांचे अर्ज केवळ राष्ट्रीय शिष्यवृत्ती पोर्टलवरून (NSP) स्वीकारण्यात येणार असून, पात्र विद्यार्थ्यांनी विहित मुदतीत अर्ज करावेत, असे आवाहन इतर मागास बहुजन कल्याण विभागाच्या सहायक संचालक सुनीता नेर्लीकर यांनी केले आहे. PM-YASASVI Pre Matric Scholarship योजनेंतर्गत इयत्ता नववी व दहावीमध्ये शिकणाऱ्या ज्या विद्यार्थ्यांच्या पालकांचे वार्षिक उत्पन्न…
कोल्हापूर, दि.२२ (जिमाका) : छत्रपती प्रमिलाराजे रुग्णालयाच्या (सीपीआर) औषध भांडारात औषधांचा साठा नसल्याचा दावा करणारा सामाजिक माध्यमांवरील व्हिडिओ दिशाभूल करणारा असल्याचे जिल्हा शल्यचिकित्सक कार्यालयाने स्पष्ट केले आहे. व्हिडिओमध्ये दाखविण्यात आलेल्या रिकाम्या खोल्या या औषध भांडाराच्या नसून, रुग्णालयातील नूतनीकरणाच्या कामामुळे रिकाम्या करण्यात आलेल्या खोल्या आहेत. जिल्ह्यातील शासकीय रुग्णालयांना नियोजनानुसार औषधांचा पुरवठा सुरू असून, अपूर्ण माहितीवर विश्वास ठेवू नये, असे आवाहन करण्यात आले आहे. सन २०२६-२७ या वर्षासाठी औषधे व साधनसामग्री खरेदी करण्याच्या ६ कोटी १९ लाख ७५ हजार १ रुपयांच्या प्रस्तावाला तांत्रिक मान्यतेनंतर २१ सप्टेंबर २०२६ रोजी प्रशासकीय मान्यता मिळाली आहे. मात्र, २२ सप्टेंबर रोजी निवडणूक आचारसंहिता लागू झाल्यामुळे पुढील खरेदी…
कोल्हापूर, दि.२२ (जिमाका) : छत्रपती प्रमिलाराजे रुग्णालयाच्या (सीपीआर) औषध भांडारात औषधांचा साठा नसल्याचा दावा करणारा सामाजिक माध्यमांवरील व्हिडिओ दिशाभूल करणारा असल्याचे जिल्हा शल्यचिकित्सक कार्यालयाने स्पष्ट केले आहे. व्हिडिओमध्ये दाखविण्यात आलेल्या रिकाम्या खोल्या या औषध भांडाराच्या नसून, रुग्णालयातील नूतनीकरणाच्या कामामुळे रिकाम्या करण्यात आलेल्या खोल्या आहेत. जिल्ह्यातील शासकीय रुग्णालयांना नियोजनानुसार औषधांचा पुरवठा सुरू असून, अपूर्ण माहितीवर विश्वास ठेवू नये, असे आवाहन करण्यात आले आहे. सन २०२६-२७ या वर्षासाठी औषधे व साधनसामग्री खरेदी करण्याच्या ६ कोटी १९ लाख ७५ हजार १ रुपयांच्या प्रस्तावाला तांत्रिक मान्यतेनंतर २१ सप्टेंबर २०२६ रोजी प्रशासकीय मान्यता मिळाली आहे. मात्र, २२ सप्टेंबर रोजी निवडणूक आचारसंहिता लागू झाल्यामुळे पुढील खरेदी…
कोल्हापूर, दि. १६ (जिमाका) : महाराष्ट्र उद्योजकता विकास केंद्र, कोल्हापूर यांच्यामार्फत डीहायड्रेशन (निर्जलीकरण) तंत्रज्ञानावर आधारित उद्योजकता विकास प्रशिक्षण कार्यक्रमाचे आयोजन २२ ऑक्टोबरपासून करण्यात आले आहे. अन्नप्रक्रिया क्षेत्रात व्यवसाय सुरू करू इच्छिणाऱ्या इच्छुकांनी या प्रशिक्षणाचा लाभ घ्यावा, असे आवाहन प्रकल्प अधिकारी वनिता पाटील यांनी केले आहे. या प्रशिक्षण कार्यक्रमात निर्जलीकरण प्रक्रियेतील व्यावसायिक संधी, आवश्यक यंत्रसामग्री आणि निर्जलीकरणाची शास्त्रोक्त पद्धत याबाबत मार्गदर्शन करण्यात येणार आहे. तसेच पालक, मेथी, आले, लसूण, हिरवी मिरची, कांदा, कडीपत्ता, पुदिना, गाजर, बीट व केळी यांच्या पावडरी तयार करण्याचे प्रात्यक्षिक देण्यात येईल. याशिवाय चिकू, अननस आदी फळांपासून प्रक्रिया उत्पादने तयार करण्याची माहितीही देण्यात येणार आहे. प्रशिक्षणादरम्यान शासकीय अनुदान…