Author: admin

कोल्हापूर, दि. 05 (जिमाका): जिल्हा कौशल्य विकास, रोजगार व उद्योजकता मार्गदर्शन केंद्र व मॉडेल करिअर सेंटर, कोल्हापूर आणि डी. आर. माने महाविद्यालय कागल यांच्या संयुक्त विद्यमाने शुक्रवार, 8 मे रोजी सकाळी 10 ते दुपारी 2 या वेळेत डी. आर. माने महाविद्यालय, कागल येथे नोकरी इच्छुक उमेदवारांसाठी पंडीत दीनदयाल उपाध्याय रोजगार मेळाव्याचे आयोजन करण्यात आलेले आहे. या रोजगार मेळाव्यामध्ये 11 पेक्षा जास्त खासगी उद्योजकांनी सहभाग दर्शविला असून, त्यांच्याकडून उत्पादन क्षेत्रातील 250 पदे व सेवा क्षेत्रातील 150 पदे अशी सुमारे 400 पेक्षा जास्त रिक्तपदे या रोजगार मेळाव्याकरिता कळविण्यात आलेली आहेत. या पदांकरीता किमान 10 वी, 12 वी, आयटीआय, डिप्लोमा, बी.ई. तसेच कोणत्याही…

कोल्हापूर, दि. 05 (जिमाका): जिल्हा परिषद कोल्हापूर येथील महिला व बाल कल्याण समितीची पहिली सभा नवनियुक्त सभापती विद्या पाटील यांच्या अध्यक्षतेखाली स्व. वसंतराव नाईक समिती सभागृहात उत्साहात पार पडली. सभेच्या प्रारंभी जिल्हा कार्यक्रम अधिकारी तथा सचिव नितीन मस्के यांनी सभापती विद्या पाटील तसेच नवनियुक्त सदस्य वर्षाराणी पाटील, शिवानी भोसले, शैलजा पाटील, रोहिणी आबिटकर, संयोगिता मोरे, सोनाली पाटील आणि पंचायत समिती गडहिंग्लजच्या सभापती प्रतिभा चव्हाण यांचे स्वागत केले. यावेळी सन २०२६-२७ या वर्षातील विभागाच्या कामकाजाचा आढावा घेण्यात आला. सभेत विविध महत्त्वाच्या मुद्यांवर चर्चा करून काही महत्त्वपूर्ण निर्णय घेण्यात आले. सन २०२५ च्या शासन निर्णयानुसार सुरू असलेल्या लोककल्याणकारी योजनांची सन २०२६-२७ मध्ये…

कोल्हापूर, दि.०५ :* जिल्ह्यातील सर्व स्थानिक स्वराज्य संस्थांनी मे अखेरपर्यंत नाले सफाईची कामे पूर्ण करून प्रशासनाला तसे प्रमाणपत्र सादर करावे. तसेच, संभाव्य पूरबाधित गावांतील नागरिकांसाठी निश्चित केलेल्या निवारागृहांमध्ये पिण्याचे पाणी, स्वच्छतागृहे आणि स्नागृहांच्या सुविधा सज्ज ठेवाव्यात. ऐनवेळी धावपळ करण्यापेक्षा वेळेत नियोजन करा, असे निर्देश जिल्हाधिकारी डॉ. विजय राठोड यांनी दिले. जिल्हाधिकारी कार्यालयातील राजर्षी शाहूजी सभागृहात आयोजित मान्सूनपूर्व आढावा बैठकीत ते बोलत होते. जिल्ह्यातील आणि लगतच्या जिल्ह्यातील सर्व धरणांमधील यंत्रणेचा समन्वय, पूरस्थितीमध्ये कोणत्याही परिस्थितीत जीवितहानी होता कामा नये, हाच प्रशासनाचा मुख्य उद्देश असल्याचे त्यांनी यावेळी स्पष्ट केले. या बैठकीला जिल्हा परिषदेच्या मुख्य कार्यकारी अधिकारी डॉ. जॅसमिन, निवासी उपजिल्हाधिकारी गजानन गुरव, अतिरिक्त…

कोल्हापूर, दि.04: श्री करवीर निवासिनी महालक्ष्मी/अंबाबाई देवस्थान परिसर विकास आराखड्यांतर्गत प्राथमिक सर्वेक्षणास आजपासून सुरुवात करण्यात आली आहे. हे सर्वेक्षण तीन पथकांमार्फत राबविण्यात येत असून प्रत्येक पथकात कोल्हापूर महानगरपालिकेचे कनिष्ठ अभियंता पथक प्रमुख म्हणून कार्यरत आहेत. प्रत्येक पथकात एक ग्राम महसूल अधिकारी, एक परिरक्षण भूमापक तसेच घरफाळा विभागाचे दोन कर्मचारी यांचा समावेश आहे. या प्राथमिक सर्वेक्षणामध्ये एकूण 137 सिटी सर्व्हे क्रमांक समाविष्ट आहेत. त्यापैकी आजच्या पहिल्याच दिवशी 35 सिटी सर्व्हे क्रमांकांचे सर्वेक्षण पूर्ण झाले असून 7 सिटी सर्व्हे क्रमांकांचे काम अंशतः पूर्ण झाले आहे. सर्वेक्षण प्रक्रियेला मिळकतधारकांकडून उत्स्फूर्त प्रतिसाद मिळत आहे. काही ठिकाणी मालकांऐवजी कुळ वास्तव्यास असल्याने संबंधित मिळकतधारकांचा संपर्क क्रमांक…

कोल्हापूर, दि. ०४ : सार्वजनिक आरोग्य व कुटुंब कल्याण मंत्री तथा जिल्ह्याचे पालकमंत्री प्रकाश आबिटकर यांच्या अध्यक्षतेखाली अन्न व औषध प्रशासन विभाग (FDA) विभागाची महत्त्वाची आढावा बैठक जिल्हाधिकारी कार्यालयात संपन्न झाली. या बैठकीमध्ये प्रामुख्याने ‘अजिनोमोटो’ (मोनोसोडियम ग्लुटामेट) या पदार्थाच्या वाढत्या वापरामुळे मानवी आरोग्यावर होणाऱ्या गंभीर दुष्परिणामांवर सविस्तर चर्चा करण्यात आली. हॉटेल व्यावसायिक आणि खाद्यपदार्थ विक्रेत्यांकडून याचा वापर मोठ्या प्रमाणात होत असून, त्याचे आरोग्यास घातक असलेले स्वरूप सर्वसामान्य जनतेपर्यंत पोहोचवण्यासाठी व्यापक जनजागृती मोहीम राबविण्याच्या सूचना यावेळी देण्यात आल्या. तसेच, या पदार्थाच्या विक्रीवर आणि वापरावर कायदेशीररित्या बंदी आणण्यासाठी कोणत्या तांत्रिक व प्रशासकीय तरतुदी करता येतील, याचा सखोल आढावा घेण्याचे निर्देशही संबंधित विभागांना…

कोल्हापूर, दि. 4 (जिमाका) : कोल्हापूर जिल्ह्यात कायदा व सुव्यवस्था अबाधित राखण्यासाठी महाराष्ट्र पोलीस अधिनियम 1951 चे कलम 37 (1) (अ) ते (फ) आणि कलम 37 (3) अन्वये अपर जिल्हादंडाधिकारी गजानन गुरव यांनी संपूर्ण जिल्ह्यात 4 मे रोजी सकाळी 6 वाजल्यापासून ते 16 मे च्या मध्यरात्री 12 वाजेपर्यंत बंदी आदेश जारी केला आहे. हा हुकूम ज्या सरकारी अधिकारी, कर्मचारी यांना त्यांची कर्तव्य, अधिकार बजावण्यासंदर्भात कामकाज करताना उपनिर्दिष्ट वस्तू हाताळाव्या लागतात आणि एकत्र जमावे लागते व ज्या व्यक्तींनी पोलीस अधीक्षक अगर संबंधित उपविभागीय पोलीस अधिकारी अगर संबंधित विभागाचे पोलीस निरीक्षक किंवा सक्षम प्राधिकारी यांची परवानगी घेतलेली आहे, अशा व्यक्तींना तसेच सर्व…

कोल्हापूर, दि. 4 (जिमाका) : महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च 2026 उच्च माध्यमिक प्रमाणपत्र (इ.12 वी) निकाल शनिवार, 2 मे रोजी ऑनलाइन जाहीर करण्यात आला. निकालानंतर राज्य मंडळ स्तरावरून विद्यार्थ्यांना मार्गदर्शन व समुपदेशन करण्यासाठी समुपदेशन सेवा सुरु ठेवण्यात येत असून या समुपदेशकांचे भ्रमणध्वनी क्रमांक पुढीलप्रमाणे – ९९६०६४४४११, ७९७२५७३७४२, ९८३४०८४५९३, ९३५९९७८३१५, ८१६९२०२२१४, ९३७१६६१२५५, ७२०८४२९३८१, ७७०९१५६०६८, ८४२११५०५२८, ९४०४७८३९९६ हे समुपदेशक परीक्षेच्या निकालाच्या दिवसापासून आठ दिवस सकाळी 8 ते रात्री 8 या कालावधीत विद्यार्थ्यांना भ्रमणध्वनीद्वारे निशुल्क आवश्यक ते समुपदेशन करतील. याची विद्यार्थी व पालकांनी नोंद घ्यावी, असे आवाहन महाराष्ट्र राज्य माध्यमिक व उच्च माध्यमिक शिक्षण मंडळाचे सचिव डॉ. दिपक…

कोल्हापूर, दि. 4 (जिमाका) : 5 महाराष्ट्र राष्ट्रीय छात्रसेना पथक, कोल्हापूर कार्यालयामार्फत मे 2026 ते मार्च 2027 पर्यंत एनसीसी भवन, शिवाजी विद्यापीठ आवार येथे वेगवेगळी वार्षिक प्रशिक्षण शिबीरे आयोजित करण्यात येणार आहेत. त्यासाठी प्रतिदिन न्याहरी व जेवण पुरवठा करण्यासाठी प्रत्येक व्यक्ती प्रती दिन खर्चाचे दरपत्रक 8 मे पर्यंत समादेशक अधिकारी 5 महाराष्ट्र राष्ट्रीय छात्रसेना पथक, एनसीसी भवन, पहिला मजला, शिवाजी विद्यापीठ आवार, कोल्हापूर येथे पाठवावीत. अधिक माहितीसाठी 5 महाराष्ट्र राष्ट्रीय छात्रसेना पथक, एनसीसी भवन, पहिला मजला, शिवाजी विद्यापीठ आवार, कोल्हापूर दूरध्वनी क्रमांक 0231-2694573 वर संपर्क साधावा, असे आवाहन 5 महाराष्ट्र राष्ट्रीय छात्रसेना पथक, एनसीसी भवनचे कमांडींग ऑफिसर यांनी केले आहे.…

कोल्हापूर, दि.०१ : महाराष्ट्र दिनाच्या ६७ व्या स्थापना दिनाच्या निमित्ताने आज स्वराज्य भवन जिल्हाधिकारी कार्यालयाच्या प्रांगणात उत्साही वातावरणात ध्वजारोहण सोहळा संपन्न झाला. जिल्ह्याचे जिल्हाधिकारी डॉ. विजय राठोड यांच्या हस्ते ध्वजारोहण करण्यात आले. तत्पूर्वी प्रथम सामूहिक वंदे मातरम गायले. यावेळी राष्ट्रगीत व राज्यगीताच्या सुरांनी आसमंत दुमदुमून गेला होता आणि उपस्थित सर्वांनी तिरंग्याला मानवंदना दिली. या सोहळ्यासाठी निवासी उपजिल्हाधिकारी गजानन गुरव, उपजिल्हाधिकारी डॉ. संपत खिलारी, उपजिल्हाधिकारी शक्ती कदम, जिल्हा पुरवठा अधिकारी मोहिनी चव्हाण, उपजिल्हाधिकारी अर्चना नष्टे, उपजिल्हाधिकारी रुपाली चौगुले, जिल्हा नियोजन अधिकारी विक्रम देशमुख, प्रांताधिकारी मोसमी चौगुले यासह जिल्ह्यातील विविध विभागांचे वरिष्ठ अधिकारी, कर्मचारी आणि नागरिक मोठ्या संख्येने उपस्थित होते. यावेळी पोलीस…

कोल्हापूर, दि. 30 (जिमाका) : प्रादेशिक परिवहन प्राधिकरण यांनी 14 जुलै 2022 रोजी जिल्ह्यात मंजुरी दिलेल्या रुग्ण्वाहिकांसाठीचे दर पुढीलप्रामणे आहेत. रुग्णवाहिका (इंधनसहित भाडे)- मारुती व्हॅन- 20 किमी अथवा 2 तासांसाठी 450 रु., प्रति किमी भाडे रु. इंधन सहित 12 रु., प्रति दिन (24 तासांकरीता) भाडे रु. (धाव मर्यादा 100 किमी) 3000, मासिक भाडे रु. 90 हजार रु. टाटा सुमो व मेटॅडोर सदृष्य कंपनीने बांधणी केलेली वाहने- 20 किमी अथवा 2 तासांसाठी 600 रु., प्रति किमी भाडे रु. इंधन सहित 14 रु., प्रति दिन (24 तासांकरीता) भाडे रु. (धाव मर्यादा 100 किमी) 3500, मासिक भाडे रु. 1 लाख, 5 हजार रु.…