Author: admin

कोल्हापूर, दि.26 (जिमाका) : प्रादेशिक परिवहन अधिकारी कार्यालय, कोल्हापूर यांच्या वतीने सेवा संकल्प अभियानांतर्गत दि. 25 सप्टेंबर रोजी गडहिंग्लज येथे शिकाऊ अनुज्ञप्ती संदर्भातील नियमित शिबिर आयोजित करण्यात आले. या शिबिरात नागरिकांना शिकाऊ अनुज्ञप्ती मिळविण्याची प्रक्रिया, आवश्यक कागदपत्रे, ऑनलाइन अर्ज प्रक्रिया तसेच संबंधित नियम व तरतुदींबाबत मार्गदर्शन करण्यात आले. ऑनलाइन पोर्टलवर अर्ज करताना येणाऱ्या अडचणींबाबत उमेदवारांना आवश्यक माहिती देऊन त्यांच्या शंकांचे निरसन करण्यात आले. या शिबिराचा एकूण 103 नागरिकांनी लाभ घेतला असून त्यांना शिकाऊ अनुज्ञप्तीची सेवा उपलब्ध करून देण्यात आली. **

कोल्हापूर, दि.२६ (जिमाका) : सेवा संकल्प अभियानांतर्गत राष्ट्रीय आयुष अभियान, सार्वजनिक आरोग्य विभाग, जिल्हा शल्य चिकित्सक व जिल्हा आरोग्य अधिकारी यांच्या मार्गदर्शनाखाली १७ सप्टेंबर ते १७ ऑक्टोबर या कालावधीत जिल्ह्यातील आयुष्मान आरोग्य मंदिर, आयुष, उपजिल्हा रुग्णालये व ग्रामीण रुग्णालयांमध्ये विविध आयुर्वेदिक आरोग्य शिबिरे, योग, ध्यान व जनजागृतीपर उपक्रम राबविण्यात येत आहेत. ११ वा आयुर्वेद दिवस २३ सप्टेंबर आणि जागतिक ज्येष्ठ नागरिक दिन १ ऑक्टोबरच्या अनुषंगाने ‘निरोगी उद्यासाठी आयुर्वेद’ हा संदेश नागरिकांपर्यंत पोहोचविण्यात येत आहे. १७ सप्टेंबर रोजी सन्मती हायस्कूल, तारदाळ येथे सेवा संकल्प अभियानांतर्गत २५० शालेय मुलांसाठी योग व ध्यान शिबिर घेण्यात आले. तसेच उपजिल्हा रुग्णालय गारगोटीच्या आयुष विभागामार्फत सुदर्शन…

कोल्हापूर, दि.२६ (जिमाका) : कृषी विभागाने ‘गोपीनाथ मुंडे शेतकरी अपघात सुरक्षा सानुग्रह अनुदान योजना’नव्या स्वरूपात लागू केली असून, योजनेची व्याप्ती वाढविण्यात आली आहे. आता वहितीधारक शेतकऱ्यांसह भूमिहीन शेतमजूर, महिला शेतकरी तसेच त्यांच्या कुटुंबातील पात्र सदस्यांनाही या योजनेचा लाभ मिळणार आहे. १० सप्टेंबरच्या शासन निर्णयानुसार सुधारित योजना एप्रिल २०२६ ते ३१ मार्च २०३१ या पाच वर्षांच्या कालावधीसाठी राबविण्यास मान्यता देण्यात आली आहे. पूर्वीच्या योजनेत प्रामुख्याने खातेदार शेतकरी व त्यांच्या कुटुंबातील एका सदस्याचा समावेश होता. सुधारित योजनेत भूमिहीन शेतमजूर, महिला शेतकरी तसेच पात्र कुटुंबातील सदस्यांचा समावेश करून योजनेची व्याप्ती वाढविण्यात आली आहे. वहितीधारक खातेदार शेतकरी, भूमिहीन शेतमजूर, महिला शेतकरी तसेच त्यांच्या कुटुंबातील…

कोल्हापूर, दि. २६ सप्टेंबर २०२६ : संत ज्ञानेश्वर माऊलींच्या ७५० व्या जयंतीनिमित्त महाराष्ट्राच्या संतपरंपरेतील ज्ञान, भक्ती आणि लोकसंस्कृतीचा जागर घडवून आणणारा ‘ज्ञानभक्ती स्त्रीशक्ती – लोकसंस्कृती आणि सांस्कृतिक वैभव सोहळा’ सोमवार, दि. २८ सप्टेंबर २०२६ रोजी सायंकाळी ६.३० वाजता गोविंदराव टेंबे नाट्यगृह, देवल क्लब, कोल्हापूर येथे आयोजित करण्यात आला आहे. महाराष्ट्र शासनाच्या सांस्कृतिक कार्य विभागांतर्गत सांस्कृतिक कार्य संचालनालय, महाराष्ट्र राज्य, मुंबई यांच्या वतीने हा कार्यक्रम आयोजित करण्यात आला आहे. संत ज्ञानेश्वर माऊलींच्या ७५० व्या जयंती वर्षानिमित्त राज्यभर विविध सांस्कृतिक उपक्रमांचे आयोजन करण्यात येत आहे. संत ज्ञानेश्वरांच्या ज्ञान, भक्ती आणि अध्यात्माच्या विचारांचा तसेच महाराष्ट्राच्या समृद्ध लोकपरंपरेचा परिचय नव्या पिढीला करून देण्याच्या उद्देशाने…

कोल्हापूर, दि. २२ (जिमाका) : महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत फेब्रुवारी-मार्च २०२७ मध्ये घेण्यात येणाऱ्या उच्च माध्यमिक प्रमाणपत्र (इयत्ता १२ वी) व माध्यमिक शालान्त प्रमाणपत्र (इयत्ता १० वी) परीक्षांचे संभाव्य वेळापत्रक जाहीर करण्यात आले आहे. उच्च माध्यमिक प्रमाणपत्र (इयत्ता १२ वी) लेखी परीक्षा सोमवार, ८ फेब्रुवारी ते मंगळवार, १६ मार्च २०२७ या कालावधीत, तर माध्यमिक शालान्त प्रमाणपत्र (इयत्ता १० वी) लेखी परीक्षा सोमवार, १५ फेब्रुवारी ते गुरुवार, ११ मार्च २०२७ या कालावधीत होणार आहे. बारावीच्या प्रात्यक्षिक, श्रेणी, तोंडी व अंतर्गत मूल्यमापन परीक्षा…

कोल्हापूर, दि. 22 (जिमाका) : जुलै 2027 च्या सत्रासाठी राष्ट्रीय इंडियन मिलिटरी कॉलेज (RIMC), डेहराडून, प्रवेशपात्रता परीक्षा डिसेंबर 2026 मध्ये घेण्यात येणार आहे. परीक्षेसाठी प्रविष्ठ होणाऱ्या महाराष्ट्रातील विद्यार्थ्यांसाठी परीक्षा नॅशनल टेस्टिंग एजन्सी यांच्यामार्फत घेण्यात येणार आहे. राष्ट्रीय इंडियन मिलिटरी कॉलेज (RIMC), डेहराडून, प्रवेशपात्रता परीक्षेच्या ऑनलाईन आवेदनपत्रhttps://examinationservices.nic.in/ExamSys26Part2/Root/Home.aspx?enc=Ei4cajBkK1gZSfgr531mFQBut90TMxhETt9bNm6zcP2ghS+a59eor30/A5h2io4z या लिंकवर उपलब्ध करुन देण्यात आलेले आहेत. अधिक माहितीसाठी राष्ट्रीय इंडियन मिलिटरी कॉलेज (RIMC), डेहराडून यांच्या rimc.deu.in या संकेतस्थळावर भेट द्यावी, असे आवाहन महाराष्ट्र राज्य परीक्षेचे अध्यक्ष डॉ. नंदकुमार बेडसे यांनी केले. 0000

मुंबई, दि. 22 : भारत निवडणूक आयोगाने महाराष्ट्र विधान परिषदेतील पदवीधर व शिक्षक मतदारसंघातील पाच जागांसाठी द्विवार्षिक निवडणुकीचा कार्यक्रम जाहीर केला आहे. त्यानुसार औरंगाबाद विभाग पदवीधर, पुणे विभाग पदवीधर, नागपूर विभाग पदवीधर, अमरावती विभाग शिक्षक आणि पुणे विभाग शिक्षक या पाच मतदारसंघांसाठी 23 ऑक्टोबर 2026 रोजी मतदान होणार आहे. विद्यमान सदस्यांचा कार्यकाळ 6 डिसेंबर 2026 रोजी संपुष्टात येणार आहे. या निवडणुकीसाठी 29 सप्टेंबर 2026 रोजी अधिसूचना प्रसिद्ध होईल. उमेदवारी अर्ज दाखल करण्याची अंतिम तारीख 6 ऑक्टोबर, अर्जांची छाननी 7 ऑक्टोबर, तर उमेदवारी अर्ज मागे घेण्याची अंतिम तारीख 9 ऑक्टोबर 2026 आहे. मतदान 23 ऑक्टोबर रोजी सकाळी 8 ते सायंकाळी 4…

कोल्हापूर, दि. २१ सप्टेंबर २०२६ : मराठी चित्रपटसृष्टीच्या समृद्ध संगीत परंपरेचा आणि अविस्मरणीय चित्रपटगीतांचा रसिकांना अनुभव देण्यासाठी महाराष्ट्र शासनाच्या सांस्कृतिक कार्य विभागांतर्गत सांस्कृतिक कार्य संचालनालय, महाराष्ट्र राज्य, मुंबई यांच्या वतीने ‘मराठी चित्रपटगीत महोत्सव’ आयोजित करण्यात आला आहे. मंगळवार, दि. २९ सप्टेंबर आणि बुधवार, दि. ३० सप्टेंबर २०२६ रोजी सायंकाळी ६ वाजता डॉ. व्ही. टी. पाटील स्मृतिभवन, ताराराणी विद्यापीठ, कमला कॉलेज परिसर, राजारामपुरी, कोल्हापूर येथे हा महोत्सव होणार आहे. दोन दिवसांच्या या महोत्सवातून मराठी चित्रपटसृष्टीतील विविध कालखंडातील लोकप्रिय आणि सदाबहार गीतांचा सुरेल आविष्कार रसिकांना अनुभवता येणार आहे. मराठी चित्रपटगीतांच्या माध्यमातून महाराष्ट्राच्या सांस्कृतिक जीवनाशी जोडलेली भावविश्वे, संगीतपरंपरा आणि गीत-संगीताचा समृद्ध वारसा रसिकांसमोर…

कोल्हापूर दि 17( जिमाका ) आत्मनिर्भर भारत अंतर्गत कृषी विभागाची अत्यंत महत्त्वाकांक्षी योजना म्हणजे केंद्रशासन पुरस्कृत प्रधानमंत्री सूक्ष्म अन्नप्रक्रिया उद्योग अर्थात (PMFME) योजना होय.या योजनेत प्रति सदस्य 40 हजार तर प्रति स्वयंसहायता गटासाठी कमाल 4 लाख रुपये इतके खेळते भांडवल मिळते. या योजनेचा फायदा बचत गटांनी करून घेवून आपला आर्थिक विकास साधावा असे आवाहन उपविभागीय कृषी अधिकारी अरुण भिंगारदिवे यांनी केले. वडणगे येथील हनुमान तरुण मंडळ येथे आयोजित ‘लोकसंवाद’ कार्यक्रमावेळी ते बोलत होते. तर सहा. कृषी अधिकारी श्रीमती माधुरी पाटील यांनी शेतकऱ्यांनी ऊस पिकासाठी ठिबकचा उपयोग करावा असे आवाहन करून गोपीनाथ मुंडे ऊसतोड कामगार योजने संदर्भात सविस्तर माहिती दिली. राज्य…

कोल्हापूर दि : 17 ( जिमाका ) पंतप्रधान नरेंद्र मोदी यांच्या वाढदिवसाचे औचित्य तसेच विश्वकर्मा दिनानिमित्त जिल्हा कार्यालय कोल्हापूर यांच्यावतीने रेल्वे स्टेशन कोल्हापूर येथे विश्वकर्मा दिव्यांग लाभार्थ्यास ‘ वन स्टेशन – वन प्रोडक्ट ‘ च्या माध्यमातून मंजूर झालेल्या स्टॉलचे मंजुरीचे पत्र देण्यात आले. त्याचबरोबर पीएम विश्वकर्मा योजनेतील सोनार कारागिरांना उपस्थित मान्यवरांच्या हस्ते टूलकिट वाटप करण्यात आले. यावेळी जिल्हा ग्रामोद्योग अधिकारी श्रीकांत जौंजाळ यांनी उपस्थितांना विभागामार्फत राबविण्यात येणाऱ्या योजना व सद्यस्थितीची माहिती सांगितली. याप्रसंगी MSME राज्य संचालक मिलिंद बारापत्रे,केंद्र सरकार नियुक्त अशासकीय सदस्य डॉ. आनंद गुरव, व जिल्हा अग्रणी बँकेचे व्यवस्थापक मंगेश पवार यांनीही आपले समयोचित विचार व्यक्त केले. या कार्यक्रमास…