Author: admin
कोल्हापूर, दि. 29 (जिमाका): महाराष्ट्र राज्य परीक्षा परिषदेमार्फत दिनांक २८ डिसेंबर, २०२५ रोजी इयत्ता ८ वी साठी घेण्यात आलेल्या राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना (NMMS) परीक्षेची अंतिम उत्तरसूची परिषदेच्या संकेतस्थळावर प्रसिद्ध करण्यात येत आहे. ही अंतिम उत्तरसूची परिषदेकडील https://www.mscepune.in/ तसेच https://2026.mscenmms.in/ या संकेतस्थळावर प्रसिध्द करण्यात येत आहे. या परीक्षेच्या MAT व SAT विषयांच्या प्रश्नपत्रिकेतील कोणत्याही प्रश्नाबाबत किंवा पर्यायी उत्तराबाबत त्रुटी/आक्षेप असल्यास ऑनलाईन निवेदन सादर करण्याबाबत 9 जानेवारी रोजीच्या प्रसिध्दी निवेदनाद्वारे कळविण्यात आले होते. त्यानुसार 16 जानेवारी पर्यंत प्राप्त झालेल्या ऑनलाईन निवेदनांवर विषयतज्ज्ञांचे अभिप्राय घेऊन ही अंतिम उत्तरसूची तयार करण्यात आली आहे. या अंतिम उत्तरसूचीबाबत कोणतेही पुढील निवेदन/आक्षेप स्वीकारले…
कोल्हापूर, दि. 29 (जिमाका): राज्यातील सर्व जिल्हा परिषदमधील कार्यरत प्राथमिक शिक्षकांना केंद्रप्रमुख पदावर विभागीय मर्यादित स्पर्धा परीक्षेद्वारे नियुक्ती देण्यासाठी समूह साधन केंद्र समन्वयक (केंद्र प्रमुख) मर्यादित विभागीय स्पर्धा परीक्षा-2025 परीक्षेचे 3 व 4 फेब्रुवारी रोजी ऑनलाईन पध्दतीने प्रत्येक दिवशी तीन सत्रामध्ये आयोजन करण्यात येणार आहे. परीक्षेचे प्रवेशपत्र ऑनलाईन पद्धतीने 29 जानेवारी रोजी www.mscepune.in या संकेतस्थळावर उपलब्ध करून देण्यात आले आहे. परीक्षार्थी उमेदवारांनी www.mscepune.in या संकेतस्थळास भेट द्यावी. प्रवेशपत्र डाऊन करण्यासाठी येणाऱ्या अडचणींचे निराकरण करण्यासाठी 1800 222 366/1800 103 4566 या हेल्पलाईन नंबरवर संपर्क साधावा व https://cgrs.ibps.in/ या लिंकवर तक्रार नोंदवावी. प्रवेशपत्र डाऊनलोड करून घेण्यासाठी आवश्यक लॉगिन आयडी (Registration No.) आवेदनपत्रावर…
कोल्हापूर, दि. 29 (जिमाका): महाराष्ट्र शासन उच्च व तंत्रशिक्षण विभाग व ग्रंथालय संचालनालय, महाराष्ट्र राज्य, मुंबई यांच्या अधिपत्याखालील जिल्हा ग्रंथालय अधिकारी कार्यालय, कोल्हापूर यांच्यावतीने कोल्हापूर जिल्हा ग्रंथोत्सव 2025 चे आयोजन शनिवार व रविवार, 14 व 15 फेब्रुवारी रोजी श्री इंजुबाईदेवी सांस्कृतिक भवन, गारगोटी (सोनाळी), ता. भुदरगड येथे करण्यात येणार आहे. या ग्रंथोत्सवाच्या कालावधीत सकाळी 10 ते रात्री 8 या वेळेत ग्रंथ प्रदर्शन व विक्रीसाठी स्टॉल उपलब्ध करून देण्यात येणार आहेत. तसेच ग्रंथालयांशी संबंधित सॉफ्टवेअर कंपन्यांचे स्टॉलही लावण्यात येणार आहेत. ग्रंथ प्रदर्शन/विक्री स्टॉलसाठी इच्छुकांनी जिल्हा ग्रंथालय अधिकारी कार्यालय, 2078, आकाशगंगा अपार्टमेंट समोर, राजारामपुरी 11 वी गल्ली, कोल्हापूर येथे लेखी पत्रासह दि.…
कोल्हापूर, दि. २७* : सर्वसामान्यांची होणारी फसवणूक, आरोग्याशी चाललेला खेळ आणि कायद्याचे उल्लंघन करून जे कोणी चुकीच्या पद्धतीने उपचार करत असतील, त्यांच्यावर कडक कारवाई करण्याचे निर्देश जिल्हाधिकारी अमोल येडगे यांनी दिले. प्रत्येक गावोगावी आणि शहरांमध्ये विशेष मोहीम राबवून अशा बोगस डॉक्टरांवर कारवाई करावी. जिल्ह्यातून बोगस डॉक्टर ही संकल्पनाच हद्दपार करून गावे ‘बोगस डॉक्टरमुक्त’ असल्याचे आरोग्य विभागाने जाहीर करावे, अशा सूचना त्यांनी दिल्या. जिल्हाधिकारी कार्यालयात त्यांच्या अध्यक्षतेखाली पार पडलेल्या बोगस डॉक्टर विरोधी समितीच्या सभेत ते बोलत होते. यावेळी जिल्हा शल्य चिकित्सक डॉ. प्रशांत वाडीकर, अतिरिक्त जिल्हा आरोग्य अधिकारी डॉ. फारुख देसाई यांच्यासह आरोग्य विभागाचे वरिष्ठ अधिकारी उपस्थित होते. प्रत्येक तहसील कार्यालय,…
कोल्हापूर, दि. २७ (जिमाका): अनुसूचित जाती आणि अनुसूचित जमाती (अत्याचार प्रतिबंधक) अधिनियमांतर्गत, जातीच्या दाखल्याअभावी ६ महिन्यांपेक्षा अधिक काळापासून प्रलंबित असलेल्या प्रकरणांची दखल घेत, जिल्हाधिकारी अमोल येडगे यांनी अशा प्रकरणांमध्ये संबंधित उपविभागीय अधिकाऱ्यांशी (प्रांताधिकारी) समन्वय साधून तातडीने जातीचा दाखला देण्याबाबत आवश्यक कार्यवाही करावी, असे सूचित केले. जिल्हाधिकारी कार्यालयात आयोजित ‘जिल्हा दक्षता व सनियंत्रण समिती’च्या आढावा बैठकीत ते बोलत होते. यावेळी अतिरिक्त पोलीस अधीक्षक धीरजकुमार आणि समाज कल्याण विभागाचे सहाय्यक आयुक्त सचिन साळे यांची प्रामुख्याने उपस्थिती होती. जिल्हाधिकारी पुढे म्हणाले की, पोलिसांकडे जी १५ प्रकरणे प्रलंबित आहेत, त्याबाबत व्हिडिओ कॉन्फरन्सिंगद्वारे आढावा घेऊन तातडीने कार्यवाही करण्यात यावी. तसेच, अनुसूचित जाती (SC) आणि अनुसूचित…
कोल्हापूर दिनांक 24 – पन्हाळा तालुक्याच्या पश्चिमेस वेतवडे पंचायत समिती मतदार संघासाठी स्वर्गीय आमदार पी. एन.पाटील साहेब यांचा आशीर्वाद आणि जिल्हा परिषदेचे माजी अध्यक्ष राहुल पाटील यांच्या पाठबळावर सर्वसामान्य रुग्णांना अडचणीच्या समयी आधारवड ठरणाऱ्या आणि कोल्हापूर येथील सीपीआर रुग्णालयात आधार देणाऱ्या बाजीराव कांबळे यांच्या सौभाग्यवती सौ. शितल कांबळे राष्ट्रवादी काँग्रेस (अजित पवार ) पक्षाकडून निवडणूक रिंगणात उतरल्या असून कोणत्याही परिस्थितीत निवडणूक लढवणार असल्याचे सौ. शितल कांबळे यांनी सांगितले. येथील मतदार संघातील मतदार बंधू भगिनींशी जिव्हाळ्याचे संबंध ग्रामीण भागातून जाणाऱ्या प्रत्येक रुग्णाला ते कोणत्याही वेळी निस्वार्थी भावनेने मदत करतात. अडचणीच्या वेळी रुग्णांच्या वेदनेवर मारलेली हळुवार फुंकर हीच माझी पुण्याई आहे.स्वर्गीय आमदार…
कोल्हापूर दिनांक 24 – कोल्हापूर जिल्हा परिषदेच्या सांगरूळ मतदार संघातून काँग्रेसच्या सौ. शितल संदीप यादव यांची उमेदवारी लक्षवेधी ठरणार का? यावर चर्चेला उधाण आले असून या मतदार संघात त्या “सांगरूळ” च्या प्रबळ विजयी दावेदार समजल्या जात आहेत. उमेदवार शितल यादव यांचे पती स्वामी समर्थ टाईल्स (बलिंगा) चे संदीप यादव यांच्या कार्याची दखल घेत काँग्रेसचे नेते बंटी पाटील यांनी या मतदारसंघातून त्यांना उमेदवारी दिल्याने त्यांचा विजय निश्चित मानला जात आहे.संदीप यादव यांनी आजपर्यंत गरीब,गरजू,अनाथ असलेलेल्या विद्यार्थांसाठी निवासी शाळा असलेल्या उमेद फाऊंडेशनच्या माध्यमातुन त्यांनी शैक्षणिक साहित्य व पोषण आहार तसेच उमेद मायेचे घर म्हणजेच निवासस्थानला लागणारे टाईल्स मटेरीयलची मदत,गावातील व भागातील बऱ्याच…
कोल्हापूर, दि. 24 (जिमाका) : प्रजासत्ताक दिनाचे औचित्य साधत प्रादेशिक परिवहन कार्यालय, कोल्हापूर व कोल्हापूर बाईकिंग कम्युनिटी यांच्या संयुक्त विद्यमाने आणि सर्व वाहनधारक, मोटार ड्रायव्हिंग स्कूल संघटना, वाहन वितरक संघटना, सर्व रिक्षा संघटना यांच्या सहकार्याने रस्ता सुरक्षा अभियान 2026 अंतर्गत हेल्मेट जनजागृती व रक्तदान शिबीर सोमवार, 26 जानेवारी रोजी सकाळी 7 वाजता प्रादेशिक परिवहन कार्यालय, कोल्हापूर येथे आयोजन करण्यात आले आहे, अशी माहिती सहाय्यक प्रादेशिक परिवहन अधिकारी चंद्रकांत माने यांनी दिली आहे. हेल्मेट जनजागृती रॅलीद्वारे वाहतूक नियमांचे पालन करण्याबाबत जनजागृती करणे तसेच रक्तदान शिबिराच्या माध्यमातून सामाजिक बांधिलकी जपणे हा या आयोजनाचा मुख्य उद्देश आहे. या रॅलीस सर्वांनी हेल्मेट घालून उपस्थित…
कोल्हापूर, दि. 23 (जिमाका) : राजा राममोहन रॉय ग्रंथालय प्रतिष्ठान, कोलकाता व राज्य शासन यांच्या संयुक्त विद्यमाने समान निधी ग्रंथभेट योजनेअंतर्गत सन 2025 या कॅलेंडर वर्षात प्रकाशित झालेल्या मराठी, हिंदी व इंग्रजी भाषेतील ग्रंथांची खरेदी करून ते राज्यातील शासनमान्य सार्वजनिक ग्रंथालयांना भेट स्वरूपात वितरित करण्यात येणार आहेत. या योजनेअंतर्गत खरेदीसाठी ग्रंथांची निवड तसेच ग्रंथालय संचालनालयामार्फत प्रसिद्ध होणाऱ्या शासनमान्य ग्रंथ निवड यादीत समावेशासाठी, सन 2025 (1 जानेवारी ते 31 डिसेंबर 2025) या कालावधीत प्रकाशित व प्रथम आवृत्ती असलेल्या ग्रंथांची प्रत्येकी एक विनामूल्य प्रत (Complimentary Copy) ग्रंथालय संचालक, ग्रंथालय संचालनालय, महाराष्ट्र राज्य, नगर भवन, मुंबई–400001 यांच्याकडे दि. 28 फेब्रुवारी 2026 पर्यंत सादर…
कोल्हापूर दि. 23 (जिमाका) : राष्ट्रध्वजाचा योग्य तो मान राखला जावा तसेच त्याचा अवमान होऊ नये यासाठी जिल्ह्यातील सर्व नागरिकांनी प्लास्टिकचा राष्ट्रध्वजासाठी वापर होणार नाही याबाबत योग्य ती दक्षता घ्यावी, असे आवाहन निवासी उपजिल्हाधिकारी गजानन गुरव यांनी केले आहे. स्थानिक पातळीवर नागरिकांनी तसेच जिल्हा, तालुका, ग्रामपंचायत, मंडळे, महामंडळे, स्थानिक स्वराज्य संस्था, माध्यमिक शाळा, कनिष्ठ महाविद्यालये, आरोग्य संस्था अशा शासकीय-निमशासकीय यंत्रणा तसेच सामाजिक अशासकीय संस्था व स्थानिक पोलीस यंत्रणा यांना प्लास्टिकच्या राष्ट्रध्वजाचा वापर होणार नाही व अशा प्रकारांना पायबंद बसेल याची काळजी घ्यावी. तसेच समारंभानंतर रस्त्यावर किंवा इकडे तिकडे पडलेले राष्ट्रध्वज योग्य तो मान राखून ध्वजसंहितेतील तरतुदीनुसार नष्ट करण्याचे आवाहनही त्यांनी…