Author: admin
कोल्हापूर, दि. 19 (जिमाका): अलीकडच्या कालावधीत समाजमाध्यमांद्वारे तसेच काही व्यक्तींमार्फत अण्णासाहेब पाटील आर्थिक मागास विकास महामंडळाच्या कार्यवाहीबाबत अपूर्ण व दिशाभूल करणारी माहिती प्रसारित केली जात असल्याचे निदर्शनास आले आहे. या चुकीच्या माहितीतून महामंडळाची बदनामी होत असून मराठा समाजासह सर्वसामान्य नागरिकांमध्ये संभ्रम निर्माण होण्याची शक्यता आहे. या पार्श्वभूमीवर वस्तुस्थिती स्पष्ट करण्यासाठी अण्णासाहेब पाटील आर्थिक मागास विकास महामंडळामार्फत खुलासा करण्यात आला आहे. राज्य शासनामार्फत विविध शासकीय विभाग, महामंडळे व शासन अंगीकृत उपक्रमांसाठी अर्थसंकल्पीय तरतूद निश्चित केली जाते. विधिमंडळाची मान्यता मिळाल्यानंतर त्या अर्थसंकल्पाची अंमलबजावणी होत असून, त्याअंतर्गत प्रत्येक विभाग व महामंडळास वार्षिक इष्टांक (Targets) निश्चित करणे बंधनकारक असते. राज्यातील इतर आर्थिक विकास महामंडळांप्रमाणेच…
कोल्हापूर, दि. 18 (जिमाका) : उप प्रादेशिक परिवहन कार्यालय, इचलकरंजी येथे 17 डिसेंबर रोजी Wabco/Zf ब्रेक सिस्टीम तर्फे अवजड वाहने ब्रेक संदर्भात प्रशिक्षण शिबीर कार्यक्रम आयोजित करण्यात आला. चालक, वाहक, वाहनधारक, मेकॅनिक, स्कुल बस चालक यांना प्रणाली ABS, EBS याबद्दल चित्रफिती, प्रत्यक्ष वाहनांवर प्रणाली कशी काम करते, डुज आणि डोन्ट, प्रिव्हेंटिव्ह देखभाल इत्यादीवर मार्गदर्शन करण्यात आले. तसेच अपघात तपासणीच्या दृष्टीने मोटार वाहन निरीक्षक व सहा. मोटार वाहन निरीक्षक यांना प्रशिक्षण देण्यात आले. यावेळी वाहन चालकांचे आरोग्य तपासणी व डोळे तपासणी मोफत करण्यात आली. शिबीरास सर्व प्रमुख वाहतुक संघटना प्रतिनिधी, संजय घोडावत इंस्टिट्युट, डीकेटीई, राज्य परिवहन महामंडळमधील मॅकेनिक व वाहन चालक…
कोल्हापूर, दि. 18 (जिमाका) : ज्या स्कुल बस, स्कुल व्हॅन, ऑटोरिक्षा यांचे योग्यता प्रमाणपत्र संपुष्टात आले आहे, अशा वाहनधारकांनी त्यांचे योग्यता प्रमाणपत्र तातडीने नुतणीकरण करुन घ्यावे. विना वैध योग्यता प्रमाणपत्राशिवाय स्कुल बस, स्कुल व्हॅन, ऑटोरिक्षा रस्त्यावर चालताना तपासणीमध्ये आढळून आल्यास मोटार वाहन कायद्याअंतर्गत कारवाई करण्यात येईल, असे आवाहन प्रादेशिक परिवहन अधिकारी संजीव भोर यांनी केले. त्यानुषंगाने सूचना खालीलप्रमाणे – शाळेतील मुलांची ने-आण करणाऱ्या सर्व बस व इतर वाहने शालेय विद्यार्थ्यांकरिता सुरक्षित राहतील याची खबरदारी शाळेने घेणे आवश्यक आहे. प्रत्येक शालेय बस व विद्यार्थ्यांच्या वाहतुकिसाठी वापरण्यात येणाऱ्या वाहनात CCTV कॅमेरे कार्यरत स्थितीत असणे अनिवार्य आहे. 6 वर्षाखालील मुलांची ने-आण करणाऱ्या शालेय…
कोल्हापूर, दि. 18 (जिमाका) : राष्ट्रीय खाद्यतेल अभियान- तेलबीया (NMEO–OS) सन 2025-26 अंतर्गत देशातील तेलबियांवरील आयात अवलंबित्व कमी करण्यासाठी तसेच तेलबियांचे उत्पादन व उत्पादकता वाढविण्यासाठी शासनामार्फत विविध प्रोत्साहनपर योजना राबविल्या जात आहेत. सन 2025-26 मधील उन्हाळी हंगामासाठी भुईमूग पिकाकरिता जिल्ह्यासाठी प्रमाणित बियाणे वितरणाकरिता 750 क्विंटल व पिक प्रात्यक्षिक करिता 290 क्विंटल लक्षांक प्राप्त झाला आहे. जिल्ह्यातील शेतकऱ्यांना भूईमूग पिकासाठी 100 टक्के अनुदानावर कृषी विभागाकडून प्रमाणित बियाणे उपलब्ध करुन देण्यात येत असून शेतकऱ्यांनी बियाण्याकरिता https://mahadbt.maharashtra.gov.in/,https://farmeragrilogin.gov.in/ या संकेतस्थळावर ऑनलाईन अर्ज करावेत व महाविस्तार AI ॲपचा वापर करावा. या अनुषंगाने शासनमान्य बियाणे वितरण केंद्रांमार्फत उन्हाळी भूईमूग पिकासाठी हेक्टरी 150 किलो (दर रु.…
कोल्हापूर, दि. 18 (जिमाका) : मधुमेह व प्रीडायबेटिक अवस्थेचे निदान करण्यासाठी HbAlc या चाचणीची आवश्यकता असते व या चाचणीसाठी लागणारे अत्याधुनिक यंत्र Fully Automated HbAlc Analyzer (HPLC Method) Lab Tech Health care PVT.LTD. श्री. महालक्ष्मी डिस्ट्रीब्युटर्स, कोल्हापूर यांच्याकडून देणगी स्वरुपात प्राप्त झाले आहे. यावेळी अधिष्ठाता डॉ. सदानंद भिसे, जीवरसायनशास्त्र विभागप्रमुख डॉ. राहुल चौधरी, डॉ. गिरीष कांबळे, वैद्यकीय उपअधिक्षक उपस्थित होते. या चाचणीचा लाभ जिल्ह्यातील व जिल्ह्यालगत असलेल्या गरजु रुग्णांना होईल असा आशावाद डॉ भिसे यांनी यावेळी व्यक्त केला. 0000
कोल्हापूर, दि. 18 (जिमाका) :* अल्पसंख्याक समुदायासाठी राज्य व केंद्र शासनाच्या अनेक विविध योजना कार्यरत आहेत. या योजनांचा लाभ समुदायाने घेऊन स्व:हित साधावे, असे आवाहन जिल्हाधिकारी अमोल येडगे यांनी केले. महाराणी ताराबाई सभागृहात जिल्हा नियोजन विभाग व जिल्हा अल्पसंख्यांक कक्ष (जिल्हाधिकारी कार्यालय) यांच्या संयुक्त विद्यमाने आज अल्पसंख्यांक हक्क दिनाचे आयोजन करण्यात आले होते. यावेळी मार्गदर्शन करताना ते बोलत होते. यावेळी मंचावर अतिरिक्त मुख्य कार्यकारी अधिकारी (जिल्हा परिषद) संतोष जोशी, जिल्हा नियोजन अधिकारी विक्रम देशमुख, पी.एस.आय. किरण कागलकर, शिक्षणाधिकारी (निरंतर) श्रीमती अनुराधा मेत्रे, मौलाना आझाद अल्पसंख्यांक आर्थिक विकास महामंडळाचे व्यवस्थापक उदय कांबळे, शिवाजी विद्यापीठाचे सहाय्यक प्राध्यापक अविनाश भाले व सहाय्यक कृषी…
मुंबई : सिकलसेल तपासणी विशेष पंधरवडा मोहिमेअंतर्गत राज्यातील सिकलसेल आजाराचे प्रमाण अधिक असलेल्या २१ जिल्ह्यांतील प्रत्येक नागरिकाची सिकलसेल तपासणी झाली पाहिजे. एकही नागरिक सिकलसेल तपासणीपासून वंचित राहू नये, याची काटेकोर दक्षता घेण्याच्या सूचना सार्वजनिक आरोग्यमंत्री नामदार प्रकाश आबिटकर यांनी दिल्या. आरोग्यमंत्री यांच्या मंत्रालयीन दालनात सार्वजनिक आरोग्य विभागाच्या विविध विषयांबाबत आढावा बैठक आयोजित करण्यात आली होती. या बैठकीस आरोग्य विभागाचे सचिव ई. रवींद्रन, आरोग्य आयुक्त डॉ. कादंबरी बलकवडे, आरोग्य संचालक डॉ. विजय कंदेवाड, सहसंचालिका डॉ. सुनिता गोल्हाईत, यांच्यासह वरिष्ठ अधिकारी उपस्थित होते. सार्वजनिक आरोग्य विभागाच्या वतीने राज्यात दिनांक १८ डिसेंबर ते १५ जानेवारी २०२६ या कालावधीत “सिकलसेल अभियानाची पूर्व तयारी करण्यात…
कोल्हापूर दिनांक 18 – काल सायंकाळी ६. ३०च्या दरम्यान पंचगंगा नदी घाटावर साधारणता ७० वर्षाची सोमवार पेठ येथे राहणारी वृद्ध महिला पाय घसरून पाण्यात पडली यावेळी मासेमारी करणाऱ्यांनी आरडाओरडा केला तेथे उपस्थित असणाऱ्या पंचगंगा आरती मंडळाच्या सदस्यांनी त्वरित धाव घेतली व रमेश गवळी यांनी आहे त्या कापड्यावर पाण्यात उडी मारून वृद्धमहिले ला काठावर आणले १०८ऍम्ब्युलन्स ला फोन केला असता प्रतिसाद मिळाला नाही यावेळी किशोर घाटगे यांनी ११२नंबरला फोन केला असता अगदी ३ मिनटात पोलीस व ऍम्ब्युलन्स त्वरित येऊन वृद्धेला घेऊन गेले रमेश गवळी यांनी ४८जणांना आतापर्यन्त जीवदान दिले असून पंचगंगा आरती व विहार मंडळाने अनेक लोकांचे प्राण वाचवले आहेत.
कोल्हापूर दि17:(जिमाका) १९७१ साली पाकिस्तान विरुद्ध झालेल्या युद्धात १७ डिसेंबर रोजी वीरमरण पत्करलेले महावीर चक्र सन्मानित कॅप्टन शंकर सखाराम वाळकर (१८ मद्रास रेजिमेंट) यांच्या स्मृतिदिनानिमित्त हुतात्मा पार्क, कोल्हापूर येथे ६ महाराष्ट्र गर्ल्स एनसीसी बटालियन, कोल्हापूरचे कमांडिंग ऑफिसर कर्नल विक्रम नलावडे यांच्या मार्गदर्शनाखाली अभिवादन कार्यक्रम आयोजित करण्यात आला होता. कार्यक्रमाच्या प्रारंभी कॅप्टन शंकर सखाराम वाळकर यांच्या स्मारकास मान्यवरांच्या हस्ते पुष्पचक्र अर्पण करण्यात येवून उपस्थित 400 कॅडेट्सनी हुतात्मा पार्क परिसरात स्वच्छता मोहिम राबविली. यावेळी कोल्हापूरमधील निवृत्त लष्करी अधिकारी, मद्रास रेजिमेंटचे माजी सैनिक तसेच 18 मद्रास रेजिमेंटचे सेवारत अधिकारी, सैनिकांनी कॅप्टन वाळकर यांच्या तत्कालिन असीम शौर्याचे तसेच देशासाठी केलेल्या सर्वोच्च बलिदानाचे स्मरण करून…
▪️ २१ डिसेंबर रोजी मतमोजणी ▪️ राज्य निवडणूक आयोगाकडून कोल्हापूरचे विशेष अभिनंदन ▪️ गडहिंग्लज नगरपरिषदेच्या एका जागेसाठी २० डिसेंबर रोजी मतदान *कोल्हापूर, दि. १७* : जिल्ह्यातील १३ नगरपालिकांमधील निवडणुका यशस्वीरीत्या पार पडल्यानंतर मतमोजणी २१ डिसेंबर रोजी होणार आहे. या अनुषंगाने सर्व ठिकाणी मतमोजणीसाठी आवश्यक सुविधांची तयारी पूर्ण झाल्याची माहिती जिल्हाधिकारी अमोल येडगे यांनी दिली. ऑनलाईन बैठकीतून राज्य निवडणूक आयोगामार्फत तयारीबाबत सर्व जिल्ह्यांचा आढावा घेण्यात आला. या बैठकीस जिल्हा पोलीस अधीक्षक योगेशकुमार गुप्ता, सहआयुक्त नगरप्रशासन नागेंद्र मुतकेकर यांच्यासह सर्व निवडणूक निर्णय अधिकारी उपस्थित होते. कोल्हापूर जिल्ह्यातील १० नगरपरिषदा आणि ३ नगरपंचायतींमधील निवडणुका ३१८ मतदान केंद्रांवर पार पडल्या. या निवडणुकांची मतमोजणी संबंधित…